Schprütz‘ nur dy Gift in miny Bluetbahn
Dy falsches Grinse macht my krank, wie au dy Grössewahn
Was meinsch, was de griegsch, wenn de wietsch wie dr Louis Cypher?
Du meinsch, dass de hietsch, was de liebsch, Street Fighter?
Beliegsch dy, fiegsch dy, biegsch dy dym Syschdem
Sehsch di sälber als vo Gott gschaffenes Phänomen
Eigeschtändig, andersch dänggendi Individuen als Problem
Als extrem gsundheitsgföhrdendi Ekzem
Suech‘ in dyne Arterie nach dyne Baggterie
Oder mach‘ in dym rosa Paradyys diny ****ferie
D'Masggen isch gfalle, Abschminggi hesch im Gsicht
D’Fasnacht isch vrbyy, d’Wält isch gheilt vo dyne Giftschtich
Diny Gluet isch ussglöscht wiene Spliff im Miff vom Äschebächersiff
Proschtituiert hesch dy Ego uffem Kiffschtrich
Saisch Hass, ärntisch kei Reschpäggt und Anerkennig
Dy Schiff bricht uusenander und singgt wie d’Titanic

REFRAIN
Zieh‘ dy falschi Masggen ab, y will dy wohrs Gsicht gseh
Zieh‘ dy wohri Masggen ab, y will dy falsches Gsicht gseh
Zieh‘ dy falschi Masggen ab, y will dy wohrs Gsicht gseh
Die wohri Gschicht gseh, denn Unwüsse schticht meh
Zieh‘ dy falschi Masggen ab, y will dy wohrs Gsicht gseh
Zieh‘ dy wohri Masggen ab, y will dy falsches Gsicht gseh
Zieh‘ dy falschi Masggen ab, y will dy wohrs Gsicht gseh
Die wohri Gschicht gseh, denn Unwüsse schticht meh

Zieh‘ di Masgge ab und zeig‘ mr wär dä bisch
Zeig‘ mr was isch zeig‘ mr was gisch, zeig mr dini
Wohri Sytte, zeig‘ mr was goht in dir ab, zeig mr
nid’s knapp, und kei Paperlapapp, uff mini
Zytt, Liebi und Energie wo n’ych inveschtiert ha
Hesch mir e stilli Antwort geh "y will no meh ha"
Hirnischlapp, fahrsch uff dini Flab und vor Er-
stuune gheit e Laade aabe und e Sagg ab, doch
Was steggt würklig hinter dim steinerne Vorhang
Was steggt hinter dä Ängel und ihrem Chorgsang
Was für e Vorgang? Was het bi dir Vorrang
Am Aafang isch’s mit ys gloffe, ohni Missklang en
Esel schtoht am Hang, denn dr Hebel isch z’lang

REFRAIN

SCRATCHES

Im Läbenslabyrinth liggt s’Schträbe nachem Sinn
E Märtyrerkind, wo erkennt dass em ally im Wäg sind
Gfangen im Schpinnenetz, wo äs sym Schiggsal nümm entrinnt
Dr Clown cha nümmy lache, wie au dr jungy Thaler Timm
Jede vo uns het e Masgge, woner mol uffsetzt, ghetzt vom Gältygsdrang
Mängisch biny entsetzt vom Gsellschaftszwang
Wo Yyfluss hett uff unsery dägliche Handlyge
Mitverantwortlich für kläglichy Vrwandlyge
E Masgge, aber mängisch leider au dr einzig Schutz
Voreme falsche Handshake und voreme falsche Schmutz
Aber, bewussty Düschig, fiehrt hüffig zur Enttüschig
Öb inere Schale vo Gaultier, Armani oder Stüssy
S’isch nid wichtig, was de, sondern wie de’s machsch
Syg ehrlich zue Dir sälber und zue de Lütt wo den aamachsch odr aalachsch
Vrgiss‘ nie wär de bisch und vo wo de chunnsch
Schtand zue Dir und dyne wohre Fründ, sunnscht
Ziehsch dy Masgge nie ab, und wirsch dy wohrs Gsicht gseh
Lueg‘ zwüscheduure mol diefer in dy Seel

REFRAIN