E neus Spiil, neui Karte, nämlig Pik 27
Wänn dr loose, wann dr tanze? Löhnd dr Sound durch euch triibe!
He! Rugge vo dr Wand, mir göhn in medias res
Eins, zwei, drei Maa, Mutation zuenere eigene Spezies
Reimapokalypse, e Reis durch dini Sinn
E Mäldig ans Muetrschiff: «Puff untr dr Stirn!»
En ärnschtgmainti Warnig an alli Notenasthmatiker
Fanatiker, Phlegmatiker und kalti Mathematiker:
Uffpasst, jetzt funkt's aa!
Back on the attack, mir sin zrugg mit acht Maa
Mir sin nid weise, das z'behaupte wär e zimlige heisse
Villicht duet die eint odr ander Botschaft di doch bitz streife
Nur konsumiere isch out, loos doch mit dim Hirni
«Du, ich muess dr öppis sage, euri Musig, die vrwirrt mi!»
Tjä! mir bewege uns halt gärn uff shaky Terrain
Mit Dampf und Elan stiege mir in erschte Refrain

REFRAIN
Jetzt funkt's aa!
Back on the attack, mir sin zrugg mit acht Maa!
Jetzt funkt's aal
Tatsach isch, es funkt jetzt aa!
Jetzt funkt's aa!
Und du welsch, es funkt jetzt aa!
Jetzt funkt's aa!

Halli, hallo, dr Tron isch wieder do
Mit em Skelt! und em Radikkal sin mir d'P zwo
Siebe, findsch es übertriebe oder bisch Du gar nid gschtige
Jetzt funkts aa und wird nid gschwige
Tron, on and on, en Erklärig über was isch passiert
Wieso mir finde mir sige privilegiert
Denn zum ene feine Ässe ghört e guete Wyy
Und zue dämm Back dr Beat let's see:
Oab - sibbedi uh - yeah, Tron get's flippin' on the funkline
Gubbediulaei, Skelt! «That's me!» - «How ya doin?» -
«Fine, fine», aber nid dass Du dänggsch das sig e Partyrhyme
Denn es het sich öppis gänderet: Was isch geheim?
Mit 4 Inschtrumänt hän mir neui Wäag ygschlage
Sött Dir das nid passe denn due nid verzage
«Jetzt hört aber alles uuf»
Und jetzt funkt's aa mit eme neue Groove

We are Siam twins, double top
Left side Jazz, and right side the Hip Hop
Now's the time, you got to smoke this:
Jetzt funkt's aa, «Un noche con Francis»

La-la-la-la, denn jetzt funkt's aa
Mir sin zrugg und zwar mit 8 Maa
La-la-la-la, jetzt sin Dr dra
Damit Dir wüsset, es funkt jetzt aa

Dä, wo dr erschti Vogl isch, ihn abr nid het
Drozt, Zusatz-DJ, 2-7-Quartett komplett
Vier Adler uffem Raubzug durch's dichte Gefilde
Miteme DJ und zwei Chöpf voller Silbe düen sie in Wald pilgere
Musignochrichtedienscht uffeme Botschafteverbreiter
Mach's so Wien Ich, raff di stets uff, sig e Stoh-uff-Männli-Fighter!
Akzeptieret doch die Tatsach, dass mr mache, was mr wänn
Musikalisch wie au lyrisch stammt alles uss unserne Händ
Vrruckte Sound, unbegangeni Pfad
D'Waldtemperatur stiggt übr siebenezwanzig Grad
Dr griene Macht hämmer dütsch und dütlich gseit, was abgoht
Für so Läbensentscheid muesch halt grad schtoh
Di Gnick wird broche durch vrheerendi Konsequänze
Du stossisch an dini mentale und physische Gränze
Problem uff d'Sitte, Unbeschwertheit isch jetzt dra
D'Sorge chömme spötr denn jetzt funkt's aa!

REFRAIN