Lyrics

Genau uss dr Stadt, mitti vo Basel-City
Schick y mi Rap dur s'Land, Mann, und ych bitt' di
Gib uns di Hand in Hand, simmer dr Garant für Qualität
Setze Bullshit in Sand, sin d'Sanität
Für Randgruppe, bi uns sin dr sicher mir spucke nid in euri Suppe
Mit unserem Shit fülle mr jedi Lucke
Und sig sie no so glai, mir löhn euch niene allei
Denn mir folgen Euch vo dr Party bis hai
Y fühl' mi nid so, gseh mi au weniger als Prediger
Gseh nur en Uffgoob und s'bruucht none Erlediger
Aine wo allne voraa an dr Front in d'Schlacht goht
Gekonnt sie Machtwort an Maa bringt wo nid wott
Y weiss leider in aim Teggscht wird nie alle Scheiss gseit
S'bescht isch aber, y weiss d'Lütt sin heiss und bereit
Packed euri Dose und e Platte, eury Sneakers
Dr Befähl für dr Aagriff kunnt hütt no uss de Speakers
Es isch wohr, lehn mr di Ohr, y bring' dr's bi im Chor
Löhmer öppis höre uss dr alte Stadt am Rhy
E guete Rap isch wie rede mit Stil, kei Wort isch z'vill
Botschaft isch dr Skill und d'Redewändig numme s'Spiil

REFRAIN
Y kumm vo Basel-City, Stadt vo de Graffiti
Wenn de Europa aaluegsch, genau in dr Mitti
Und so schick‘ y mini Rhymes über s’ganze Land
Wär’s Mikrophon e Spraydose, wär di Hirni mi Wand
Y kumm vo Basel-City, Stadt vo de Graffiti
Wenn de Europa aaluegsch, genau in dr Mitti
Und so schick‘ y mini Rhymes über s’ganze Land
Wär’s Mikrophon e Spraydose, wär di Hirni mi Wand

Y kumm vo Basel, B-A-S-E-L
Drumm kumm und loos mr zue wenn ych drvo vrzell
Ych mag die Stadt vo den an-dr-Parties-Duurekheier
Rhymes-uss-dr-Schnuure-Schreier, Pieces-an d'Muure-Sprayer
Und vo de Tänzer wo dr ganz Oobe uff em Tanzboode wiete
Fast drvofliege, wenn sie uns e geili Show biete
A propos iebe: Du spürsch es, wär an sim Schritt iebt
Wär dr Shit liebt, sich dr Norm nid fiegt
Nid liegt, wenn är behauptet, dass er öppis mitgriegt
Vo dr Hip Hop-Untergrund-Kultur wo rund um d'Uhr
Gläbt und pflägt wird und sicherlich nid wägstirbt
Denn Noodle brodle uff de Plattetäller, DJs cutte schnäller
Als dr eigeny Schatte, als Autodidakte
Simmer künstlerisch begobt, s'Münster isch für Gott
Und Bahnlinie isch für d'Writer, das seit dr Tiger
Kei Blasphemie, aber dass Poesie
DJing, B-Boying und Graffiti in dere City
E hohe Stellewärt hän, bitt y z'beachte
Drum göhnd sachte und nid dumm drmit um
Denn wär Basel disst, vrgisst, mit wäm er sich misst

REFRAIN

Uss dr Stilli vo dr Ewigkeit schrei y neui Värs
S’Flammemeerinferno loderet in mim Leuehärz
Uss Drugg vo inne bring‘ y mi Ussdrugg zum Ussdrugg
Denn was y ussspugg‘, wird gross druggt vom Boulevard-Stosstrupp
D’Jagdzytt isch eröffnet, Giftpfiil wärde zooge
S’Ziilobjäggt wird aapeilt und gspannt wird dr Booge
In mim XLR-Faadekrüüz: Krass uff Hass bauendi
Unter ihrem Name raubendi, bald verstaubendi
Geschter, hütte oder morn die über s’Ohr hauendi
Proletend über die einti Liebi aber nid dra glaubendi
Y chumm uss dr Stadt wo Hip Hop gläbt und erläbt wird
Nach neue Moves'n'Grooves gforscht und gsträbt wird
Masterpieces überall erfülle mi mit Stolz
Unseri Hall of Fame isch meh wärt als X Tonne Fort Knox-Gold
In dr Schwärzi vo dr Nacht sorge Writers für Farbepracht
In Aabetracht vo dr Tatsach dass eim nachere Nacht
Demonstrierter Staatsmacht am neggschte Morge s’Härz lacht
Dr Triib zur Tat isch unerschöpflichi Liideschaft
Öb tänzerisch, musikalisch, vokabularisch
Mir, Skeltigeron, saage dr nur damit’s klar isch

REFRAIN


Songwriters

Lyrics: MC Rony, Black Tiger & Skelt!
Music: DJ Drozt

Bookmark

Review

Vocals
MC Rony, Black Tiger & Skelt!

Produced & arranged by DJ Drozt
Co-produced by MC Rony
Co-arranged by Skelt!
Recorded by DJ Drozt at the Nuffdrugz Studio
Mixed by Samuel Weiss for Red Island Production

MC Rony appearance courtesy of Broken Shit Recordz

© 1998 Skeltigeron (SUISA)

Hits 3474